«أسرع 3 حاجات.. الصوت والضوء.. وإصابة باسم علي».. نشطاء يسخرون من الخروج المبكر للاعب الأهلي.. وليد: «حاجز 10 دقايق بس».. نور: «أنا حسدته ولا إيه».. ميدو: «معسكر بلح».. هشام: «أكتر واحد منحوس»

تعرض باسم على، الظهير الأيمن للفريق الأول لكرة القدم بالنادي الأهلي، للإصابة في العضلة الخلفية، بعد بدء مواجهة الإسماعيلي بدقائق، وعلى الفور طلب حسام البدري المدير الفني للنادي الأهلي من اللاعب محمد هاني إجراء عمليات الإحماء ليشارك بدلا من باسم على، وأثار الخروج المبكر للاعب سخرية نشطاء موقع التواصل الاجتماعي «تويتر».

حاجز 10 دقايق
فقال "الرايق": «سنة ونص احتياطي وشهرين بتعمل فترة إعداد ويوم ما تبدأ أساسى في أول ماتش في الموسم يجيلك خلفية في أول 10 دقايق»، وقال "وليد" ساخرًا: «باسم على حاجز 10 دقايق بس».

"أكتر واحد منحوس"
وكتب هشام إسماعيل: «باسم على يا عيني أوحش من الكومبارسات اللي اسمهم مش بيطلع في التتر»، وكتبت "نور" على صفحتها: «هو باسم على لحق ولا أنا حسدته؟»، و"فرحان": «باسم على ده أكتر واحد منحوس في الكوكب».

معسكر بلح
وكتب ميدو الأهلاوي على صفحته: «هو باسم على معملش اسبرينت في التدريب ولا إيه»، بينما ألقى أحمد غنيم اللوم على فريق النادي الأهلي متهما إياه بالتقصير في المعسكر التدريبي وكتب على صفحته: «إصابة باسم على ده يدل على أن معسكر الأهلي كان بلح».
وقال حساب باسم "وزير دفاع تويتر": «المفروض واحد زي باسم على بقاله شهرين بيتدرب يعني إيه يلعب 10 دقايق وتجيله خلفية، اللي أفهمه إن الخلفية بتيجي من كتر الإسبرنتات».