آيتن عامر تدعو جمهورها للعبة أشهر جمل من أغاني الهضبة
كتب الجورنالجى الجورنالجيطرحت الفنانة آيتن عامر سؤالا خاصا على جمهورها ومتابعيها عبر حسابها على موقع الصور والفيديوهات الشهير "إنستجرام"، تزامنًا مع اقتراب موعد طرح الألبوم الجديد للنجم عمرو دياب، ودعتهم للعبة طريفة تتعلق بأشهر الجمل من أغانى الهضبة.
وقالت آيتن لمتابعيها: "تعالوا نلعب، قولولى إيه أكتر جمل بتحبوها في أغانى عمرو دياب علشان دايمًا في أي ألبوم لعمرو بتلاقي جملة صغيرة مش كوبليهات كاملة بتساوي ألبوم لوحدها، بتكون بسيطة جدًا بس معبرة جدًا جدًا".
وتابعت: "زي مثلًا هو الوداع يتقال فيه ايه.. ومشيت وياك ورجعت وحيد.. عشان مش صح نبقى ضعاف.. نبان ساعة الفراق بنخاف.. ومش قادر على الأيام ولا يوصف هوايا كلام.. ماهو لو ينسى هينسيني.. أنا سايبك تمشي تعيش وتقابل ناس تانيين.. وبان حزنه كله وضعفه لما فاق.. مش كل واحد جمب منى عزيز عليا.. فيه واحده بتنساها بواحده وواحده مبتتنسيش.. الأيام دى اتغير حالها مبقاش حد يعيش للتانى.. وأهو كل واحد يعمل اللى يريحه.. إنسانى لو لسه فاكرنى وانت ليك مليون طريقه.. روحى مش ممكن هترجع إلا بوجودك حبيبى وإيه تانى؟".
وتفاعل جمهور آيتن مع المنشور الخاص بها وانهالت التعليقات عليه، وتذكر متابعوها جملا مختلفة من أشهر أغانى الهضبة.
يذكر أن عمرو دياب يواصل حاليًا وضع لمساته النهائية على ألبومه الجديد وطرح مؤخرًا، أغنية "معدي الناس" كاملة؛ استعدادا لطرح الألبوم كاملًا، ومن المقرر أن يكون متوفرًا بالأسواق قريبًا، وطرح أيضًا أغنية "جنب حبيبى".