السيسي عن فض اعتصام ”رابعة”: ”خفت من ربنا مش من الأمريكان”

علق الرئيس عبدالفتاح السيسي، على ما تردد من شائعات حول فض اعتصام رابعة العدوية قائلا: "سبنا الناس في رابعة 45 يوم، وناس جت قالتلي متعملهمش حاجة، قولتلهم يقعدوا بدل اليوم كذا يوم بس ميخرجوش برة رابعة على المطار يوقفوا حال البلد، قالي كتر خيرك، قالك ما دام السيسي وافق على كده يبقى خايف من الأمريكان، أقسم بالله ما كنت خايف من الأمريكان وأنا كنت خايف من ربنا، مسبولناش خيار تاني، كل ما نمسك حد نلاقي متفجرات وسلاح".

وأضاف "السيسي"، خلال مبادرة "أسأل الرئيس"، ضمن فعاليات مؤتمر "حكاية وطن" أنه سيتم التعامل مع المتطرفين والإرهابيين بكل حزم وبالقانون، متابعا: "أنتوا مسؤولين في رقبتي".

وتابع: "اللي عاوزني أخرج الناس دي يقولي بس متسألونيش على أمن وأمان وشغل واستقرار وزراعة، ما دام أنتوا موافقين على التفويض إحنا معاكم".