صاحب مقهى ”ممنوع دخول الأهلوية” يكشف سر تشجيعه لـ”صن داونز”
الدعوة عامة.. حفل سمسمية ومشاريب وحلويات مجانًا، للاحتفال بصعود فريق «صن داونز» الشقيق، وأى طلب يوم السبت بـ«خمسة جنيه»، لافتة علقها صاحب مقهي في مدينة الإسماعيلية، للاحتفال بخروج النادي الأهلي من بطولة دوري أبطال أفريقيا، عقب مباراة الذهاب التي انتهت بخماسية نظيفة لصالح الفريق الجنوب أفريقي.
محمد طلحة، مالك المقهي، يصف نفسه بمشجع درجة ثالثة لنادي الإسماعيلي، الذي لا يخشي أن يعلن كرهه للأهلي، ويري أن الاحتفال بخسارة المنافس من أي فريق داخل أفريقيا أو خارجها حق مشروع ليس له علاقة بالوطنية «أنا روحت جميع استادات مصر بجرى وراء الإسماعيلي من ١٩٩٠ مع والدى في المحلة، وسنة ١٩٩٤ بدأت أروح الماتشات لوحدى، وشفت قمة الظلم في كل مكان لجمهور الإسماعيلي والتعاطف الدايم للجمهور المنافس».
يقول «طلحة» إن المنظومة الكروية في مصر، سر عدائه لـ«الأهلي»: «قبل ما تحاسبنى حاسب نفسك حاسب المسئولين وكل واحد يقولك لا مينفعش لدواعى أمنية».
«أفريقيا يا صن داونز»، كانت بداية الشرارة، بعد تدشين جمهور الأهلي الهاشتاج عبر صفحات التواصل الاجتماعي لخسارة الزمالك، والاحتفال بالصواريخ لسقوط الفريق الأبيض، في 2016، وهو ما دفعه للاحتفال بنفس الطريقة وطبع لافتات صغيرة بمنع دخول مشجعي الأحمر للمقهي يوم مباراة الوداد والأهلي في أفريقيا: «جمهور الأهلي لما عمل هاشتاج أفريقيا يا صن داونز أمام الزمالك، محدش إتكلم ولما جمهور الرجاء المغربى في ٢٠١٧ بالكامل كان بيشجعهم أمام فريق الوداد المغربى، مفيش حد قال وطنية».
«1»
«طلحة» يعود بالزمن للخلف، ويسرد شريط ذكرياته الأليم مع «الإسماعيلي» :«مواقف كتير شوفتها من صغري، خلتني أكرة الأهلي، وأفرح دائمًا في خسارته، في ٢٠٠٣ نهائى أفريقيا الإسماعيلي وأنيمبا البلد عملت إيه مع الإسماعيلي غير أن هي السبب الأول في الخسارة، طبعا كلنا فاكرين إصرار كابتن حسن شحاتة على وجود حسنى عبد ربه وأحمد فتحى علشان يخليهم احتياطى ويحرمونا منهم في ماتش مصيرى، وفى مبارة العودة ماكانش حد موجود من الدولة في المقصورة علشان يساند الفريق ماكانش موجود حد من اتحاد الكرة المصرى، انتو متخيلين!
اللي كان موجود عضو اتحاد الكرة كابتن حمادة إمام الله يرحمه، وكان موجود علشان خاطر السبب الأول يعلق على الماتش على art وبس، وبعديها لما أشوف نفس النهائى في إستاد القاهرة الأهلي والنجم الساحلى، ويحضر الماتش رئيس الجمهورية حسنى مبارك وحرمه والمشير طنطاوى وجميع الوزراء علشان يساند الأهلي، والحمد لله ربنا كان كبير وخسروا 3/1».
تكلفة يوم مباراة «الأهلي» في أفريقيا، لا تتخطي 1500 جنيه: «الموضوع مش أوفر زي ما الناس متخيلة، كلنا أصحاب في بعضينا بنجمع من بعضينا، ونشارك في القهوة وبنفرح الناس لما الأهلي يخسر، وأول مرة كنت فرحان قبل الناس ما تعرفني، كنت بتفرج على الأهلي والنجم عام 2017، والأهلي خسر بثلاث أهداف لهدف في حضور رئيس الجمهورية، ووزعت مشاريب على الجمهور في القهوة اللى كنت بتفرج فيها، وابني اتولد في نفس اليوم وكان أسعد منه».
