أبو أصالة يتهم محمد رمضان بسرقة أغنية ”أنا البطل”

 

فجر مؤدي المهرجانات، يوسف عبد القادر الشهير بـ «أبو أصالة»، مفاجأة جديدة بعد اتهامه للفنان محمد رمضان بسرقة أغنيته «أنا البطل»، الذى طرحها الأخير وتصدرت التريند الأول على موقع الفيديوهات اليوتيوب.

 

وقال«أبو أصالة»، أنا دلوقتي بتكلم فى حقي مش فى أى حاجة تاني وبقول لمحمد رمضان، اتقي الله، وقبل كدة بردو خد مني أغنية "قعدونا 3، وغناها فى فيلم عبده موتة ومكلمتوش فيها وسايبك عمال تغلط فى الناس كلها".

 

وتابع :"ربنا كرمك يا محمد يا رمضان، وأغنية "البطل" ده حقي ومسجلها من سنة وبتاعتي أنا، وفى حاجة اسمها حقوق وإثباتات وأنا رفعها من سنة ونص، وبلاش الحركات اللى أنت بتعملها ده، ده حقوق ملكية".

 

وأوضح أنه طرح الأغنية منذ عام ونص، بصورة برومو وكان من المقرر طرحها بشكل رسمي الأيام الماضية".

 

 ونشر «رمضان» برومو الأغنية، الثلاثاء، عبر صفحته الرسمية بموقع الصور والفيديوهات «إنستجرام» وكتب :«دلوقتي على يوتيوب أغنية (أنا بطل) ثقة في الله نجاح».

 

وتقول كلمات الأغنية: «بطل لعب مية فورة لكن مخسرش جولة

 

هتفكر يوم تنافسه اقعد في بيتك أولى..

 

أرضي منطقة محظورة بتشتت العتاولة

 

وبطلقة بين حواجبك على ـرضك هستولى

 

انا البطل اللى نفسك تقلده

 

أي حد بيهرى باجى بسكته

 

اتخن مافيكم بصباع واحد اثبته

 

رمضان بس مجرد اسم بيشتته

 

جمهورى في ودنى قالى اعمل انفجار

 

ادانى إشارة وقالى غير المسار

 

لو الدنيا مرة واحدة بيكم ولعت

 

اعرف يا بني إنى دوست عـ الزرار