نعمة الوصل بين الماضي و الحاضر
كل ما اتفرج علي فيلم قديم وتكون حكاية مثلاً لحبيبن انفصلو بسبب قطع الصلة ما بينهم زي فيلم "أغلي من حياتي" فرق معاهم التلغراف ولا حد مفروض يوصل معلومات و بيحارب عشان ده ولا حتي سوء تفاهم بين ناس كان ينحل بكلمه موصلتش , بيجي في دماغي علي طول whats up و facebook و E-mail
و أحس ان عندنا نعمه مش مقدرنها , كان ممكن بسبب غلطه بسيطه أو تأخير , حياتك كلها تتغير و تفضل تدور علي إجابات لنفسك مش هتلاقيها , بالمقارنة بين دلوقتي , يعني فيروز لما قالت " وحروف الرساله ماحيها الشتا" لو كان عندها فيس بوك , كانت وصلت في ساعتها ولا " مرقت أيام ولا غربتنا سنين "
لما شويكار سافرت لشادية اسكندرية عشان تقولها رشدي اباظه مدوبهم 12 كان زمنها وفرت المشوار و بعتتهم علي الـ whats up ولا شاديه دخلت بفسها علي الـ facebook بتاعه و شافت صورة و الـtags و check in وكان الموضوع خلص بلا وجع دماغ
ولا فيلم الليله الأخيرة لما غيرلها شخصيتها و فضلت مش عارفه نفسها يجي 17 سنة وفاقده الذاكرة , كان زمان الموضوع اتحل لما أي حد يقابلها في الشارع من الـ followers ويقولها أزيك يا فوزية أنا عجبني أخر بوست ليكي .
ولا في "سنوات الحب" لما صاحب شكري سرحان ينسي يوصل الجواب لنادية لطفي , دلوقتي مسيدج علي أي application من دول كان زمنها حلت المشكلة و كان زمان نادية لطفي مرقباه كمان وتقوله مين اللي متصورة معاك دي و لا ابعتلي صورة ليك دلوقتي
طب فيلم ضربة شمس مثلا طول الفيلم بيحاو يحافظ علي الفيلم و الكام صورة اللي لقطهم للرقاصة و الراجل بيديها المعاد هو بينقطها , ده مثلاً لو عنده كاميرا فيها بلوتوث كان زمان الصور وصلت الموقع و نزلت نشر في ساعتها و خلصنا ولا لو عنده فيس بوك كان زمانه شير الصورة و الحمد لله العصابة اتفضحت و اتمسكت و لا كان كام واحد مات مسموم .
فيلم ابن النيل لما راح القاهرة و هو فاكر ان مراته ماتت , كان زمنها عملت بوست ولا فتحت الواتس اب قالته انت فين , وكان موقعش في كل المشاكل اللي حصلت دي .
بدل متعد تدور علي مكان تشغل google maps .
الـ social media بقت شيء اساسي , في ناس شغلتها بس social media .
كل الصناعات دلوقتي ممكن توصلها عن طريق social media
صحابك اللي كانو في المدرسه بتدور عليهم تلاقيهم وتلاقي ذكرياتك معاهم سواء google plus ولا facebook ولا twitter .
طلب الوظايف اللي كانت بتاخد شهورعشان توصل , بقي E-mail بـ click واحده تبعتها و انت مكانك , التكنولوجيا سهلت علينا حاجات كتير , جيل جديد اتخلق معرفش الصعوبات اللي عاشوها اللي قبلهم .
بقي دواير كتير كلها عارفه بعض , تحس انك اعد في اوضة وصاله
بقي ممكن تاخد رأي و تصريح لمسؤل من علي Facebook وtwitter .
بدل المجلات اللي كنا بنشتريها عشان بوستر لفنان , بقي بدل الصورة "الف "علي Google و صفحتة علي facebook او twitter .
وبقي في الـ public figure " أو مشاهير مواقع التواصل اللي الناس عمرهم مكانو هيبقوا معروفين غير في الزمن ده لانهم ببساطه بعبروا عن رايهم بس , وصادف ان رأيهم ده بيعجب ناس كتير.
اه التكنولوجيا بتأدي لاغتراب إجتماعي ده أكيد , بس كل تفكيري هنا منحصر في الوصل بصرف النظر احنا "كمصريين" بنستخدمها أزاي و بنهدر وقت كتير في استخدام جائر , والمهم كمان "إحنا في نعمة"
⇧
و أحس ان عندنا نعمه مش مقدرنها , كان ممكن بسبب غلطه بسيطه أو تأخير , حياتك كلها تتغير و تفضل تدور علي إجابات لنفسك مش هتلاقيها , بالمقارنة بين دلوقتي , يعني فيروز لما قالت " وحروف الرساله ماحيها الشتا" لو كان عندها فيس بوك , كانت وصلت في ساعتها ولا " مرقت أيام ولا غربتنا سنين "
لما شويكار سافرت لشادية اسكندرية عشان تقولها رشدي اباظه مدوبهم 12 كان زمنها وفرت المشوار و بعتتهم علي الـ whats up ولا شاديه دخلت بفسها علي الـ facebook بتاعه و شافت صورة و الـtags و check in وكان الموضوع خلص بلا وجع دماغ
ولا فيلم الليله الأخيرة لما غيرلها شخصيتها و فضلت مش عارفه نفسها يجي 17 سنة وفاقده الذاكرة , كان زمان الموضوع اتحل لما أي حد يقابلها في الشارع من الـ followers ويقولها أزيك يا فوزية أنا عجبني أخر بوست ليكي .
ولا في "سنوات الحب" لما صاحب شكري سرحان ينسي يوصل الجواب لنادية لطفي , دلوقتي مسيدج علي أي application من دول كان زمنها حلت المشكلة و كان زمان نادية لطفي مرقباه كمان وتقوله مين اللي متصورة معاك دي و لا ابعتلي صورة ليك دلوقتي
طب فيلم ضربة شمس مثلا طول الفيلم بيحاو يحافظ علي الفيلم و الكام صورة اللي لقطهم للرقاصة و الراجل بيديها المعاد هو بينقطها , ده مثلاً لو عنده كاميرا فيها بلوتوث كان زمان الصور وصلت الموقع و نزلت نشر في ساعتها و خلصنا ولا لو عنده فيس بوك كان زمانه شير الصورة و الحمد لله العصابة اتفضحت و اتمسكت و لا كان كام واحد مات مسموم .
فيلم ابن النيل لما راح القاهرة و هو فاكر ان مراته ماتت , كان زمنها عملت بوست ولا فتحت الواتس اب قالته انت فين , وكان موقعش في كل المشاكل اللي حصلت دي .
بدل متعد تدور علي مكان تشغل google maps .
الـ social media بقت شيء اساسي , في ناس شغلتها بس social media .
كل الصناعات دلوقتي ممكن توصلها عن طريق social media
صحابك اللي كانو في المدرسه بتدور عليهم تلاقيهم وتلاقي ذكرياتك معاهم سواء google plus ولا facebook ولا twitter .
طلب الوظايف اللي كانت بتاخد شهورعشان توصل , بقي E-mail بـ click واحده تبعتها و انت مكانك , التكنولوجيا سهلت علينا حاجات كتير , جيل جديد اتخلق معرفش الصعوبات اللي عاشوها اللي قبلهم .
بقي دواير كتير كلها عارفه بعض , تحس انك اعد في اوضة وصاله
بقي ممكن تاخد رأي و تصريح لمسؤل من علي Facebook وtwitter .
بدل المجلات اللي كنا بنشتريها عشان بوستر لفنان , بقي بدل الصورة "الف "علي Google و صفحتة علي facebook او twitter .
وبقي في الـ public figure " أو مشاهير مواقع التواصل اللي الناس عمرهم مكانو هيبقوا معروفين غير في الزمن ده لانهم ببساطه بعبروا عن رايهم بس , وصادف ان رأيهم ده بيعجب ناس كتير.
اه التكنولوجيا بتأدي لاغتراب إجتماعي ده أكيد , بس كل تفكيري هنا منحصر في الوصل بصرف النظر احنا "كمصريين" بنستخدمها أزاي و بنهدر وقت كتير في استخدام جائر , والمهم كمان "إحنا في نعمة"
