السيسي لشباب البرنامج الرئاسي : طول ما الدولار أصبح سلعة للمصرين هيفضل الوضع كده
كتب الجورنالجى الجورنالجيوجه الرئيس عبد الفتاح السيسى الشكر والتحية لشباب البرنامج الرئاسى، وقال:"كل يوم عن يوم البرنامج يثبت أنه برنامج ناجح، وانتم تأكدوا انكم هتكونوا قادرين على النجاح، وهذا يخلينا نبدأ بـ500 ويكون فى كتلة من شباب مصر قادرة على تبوء مكانها، واللى شوفته فى ادارة الازمة وتناولها هو اسلوب المحاكاة اللى بيتعمل علشان يتم تناول الازمة، وهذا ارقى وسائل التدريب اللى بيتم تقديمها، علشان تشوفوا مؤسسات الدولة والكلام اللى بيتم تحريكه من اسلوب عملى ومحاكاة". وأضاف:"انا تابعت تقدير موقف من حكومة المحاكاة، واسمحوا اقول أنى اللى شوفته احنا محتاجين نعمله كثير، وطرح للرأى العام بشكل متخصص ودقيق هو احد الادوات اللى محتاجين تحكمنا وبمساعدة الشباب المتخصصين فى الدولة، فالاشكالية الموجودة هو قبول الناس بالحل، والازمات فى بلادنا مرت على دول كتير، واوجدت لها حلول". وتابع:"مسألة زى الدعم والمشكلة الاقتصادية اللى بتقابلنا التحدى ليس فى الاجراءات ولكن فى الراى العام كمجتمع، هل عندنا استعداد، وتلاقينا حجم من المعرفة بشكل مناسب يسمح لنا بتقبل الاجراءات وأن تكون قاسية وصعبة". وقال:"إن الاشكالية الموجودة فى بلادنا هو جسر التفاهم والوعى الحقيقى، والوزير الموجود فى اى مؤسسة هو حريص عليها، والمنظر اللى شوفته واكيد هيطلع جزء من الاعلام، هو وصول التحدى إلى الناس، ولا تتخيلوا أن المصريين مش محبين لوطنهم بالشكل اللى يتحملوا به الصعوبات، لكن كل الناس مشغولة بالعمل وتربية اولادهم، وكل الاقتصاديين يستطيعوا وضع روشتة لكن الاشكالية التى تقابل متخذ اى قرار ياترى الرأى العام سيتقبل ده ولا لا، وتحسب المسؤولين من رد فعل الناس كان دائما يأخر الاجراء". وتحدث الرئيس عن سعر الدولار، وأضاف:"أن سعر الدولار خلال الـ5 سنوات السابقة علينا أن نعترف أن تدفق الدولار تراجع بسبب مستوى السياحة فى مصر، وجزء منها سياسى بسبب تحذيرات السفر إلى مصر، وكل صراحة تحول الدولار إلى سلع دولارية، فنخليه فى البيت لأن بكرة هيكون له ثمن اكثر، فتشكل ذلك فى وعى الناس، والحكومة فى هذه الحالة تحتاج أن تتخذ اجراءات تنهى به أن الدولار سلعة يمكن التعامل بها، فطول ما الدولار اصبح سلعة وقيمة فى حياة المصريين هيفضل الوضع كدة، ولن ينتهى الامر الا أن تنسف الفكرة التى تشكلت جوة المصريين، أن الدولار سلعة يمكن الاحتفاظ بها".وأكد على ضرورة التفكير فى افكار لحل المشاكل الموجودة، وتابع:"غدا ستجدون جميع الناس يذهبون إلى البنوك لفك الدولار باذن الله"، وتطرق الرئيس إلى "الدعم"، وقال:"إن هناك دعم يقدم لغير مستحقيه".