بالفيديو| والدة مفيدة شيحة تفاجئها على الهواء.. وابنتها: خلاص فضحتيني

فاجأت برلنتي والدة الإعلامية مفيدة شيحة، ابنتها باتصال هاتفي لها على الهواء بمناسبة عيد الأم، وهو ما أصاب مفيدة بفرحة شديدة قائلة لها :« يالهوي أخيرا يا حاجة»، متابعة :«يعني أنتي يا ماما بذمتك تطلعي عيني لمدة 6 سنين عشان تعملي مداخلة معايا وسهير جودة السنة دي هي اللي تعرف تقنعك».

وقالت «برلنتي» خلال مداخلة هاتفية منذ قليل لبرنامج «الستات ما يعرفوش يكدبوا»، والمذاع عبر فضائية «cbc» :«كل سنة وكل الأمهات طيبين، وكل أمهات الشهداء طيبين، وربنا يخليكوا لأولادكم ودايما تبقوا أمهات زي الفل».

ووجهت «برلنتي» حديثها لابنتها قائلة :«ربنا يخليكي يا مفيدة ويسعدني فيكي ويسعدك في بنتك»، مطالبة لها بالا تهاجم الرجال كثيرًا، متابعة :«الرجالة على عينا وعلى راسنا والرجالة ضهر وسند وكل الرجالة حلوة وكل سنة وهما طيبين»، مضيفة :«وخفي عليهم يا مفيدة عشان محدش يزعل منك».

وكان رد «مفيدة» على نصيحة والدتها قائلة :«ماشي يا حاجة أنا تحت أمرك يا أم مفيدة»، مضيفة :«حاضر يا ماما، ماما خلاص فضحتني».