شافكي المنيري تروي التفاصيل الكاملة لوفاة ممدوح عبد العليم
كشفت الإعلامية شافكي المنيري زوجة الفنان ممدوح عبدالعليم تفاصيل وفاته لأول مرة خلال لقائها ببرنامج "معكم" مع الإعلامية منى الشاذلي، وقالت إنه كان قبل وفاته يتمتع بصحة جيدة وحالة مزاجية عالية أيضًا.
وأوضحت أنه قبل وفاته كان يقضي إجازة عائلية في شرم الشيخ، وكان سعيدًا جدًا في الرحلة، وذكرت أنها في تلك الرحلة كانت تشعر بانقباض في صدرها، وحالة من القلق دون أن تعرف سببها.
وتابعت: "كان يوم رأس السنة وقررنا أننا نستقبل السنة الجديدة في الصحراء مع البدو وخدنا السفاري ووقتها كتب ممدوح على تويتر كل أمنياته لمصر رغم إن أمنياته قبل كده كانت عائلية ولقيته بيقول أتمنى السياحة ترجع والناس تيجي ومش مهم أنا آجي فاستغربت وقتها كلامه".
وأكدت أنها عادت مع عائلتها وزوجها من الرحلة يوم 2 يناير وتوفي بعدها مباشرةً يوم 5 يناير، مضيفة: "كان في النادي وقعد معي وكان بيقرأ الحلمية كمان وقال لي هروح الجيم وبعدها معزوم مع أصدقائي حياته عادي".
وقالت إنها بعد وفاته ورغم مرور نحو عام ونصف لاتزال غير قادرة على مشاهدة ممدوح على التليفزيون في برامج أو أفلام أو مسلسلات.
وعن يوم الوفاة قالت: "راح الجيم وماخدش نص ساعة في النادي متعورش ولا اتخبط ولا قال حاجة هو مال ومحدش كان عارف أنه ممدوح وعرفوه بعدها لحظة نقله في الإسعاف وفيه بنت حطت البصمة بتاعته على التليفون عشان تعرف هو مين وكلمت آخر رقم وقال لها كلمي شافكى مراتي".
وتابعت: "وأنا كنت رايحة أعزي وقتها وهنا بنتي اللي تلقت الخبر أنه اتنقل للمستشفى وكلمتني بعدها ومش قادرة أقول لك وقتها حصل لي إيه وحسيت إن فيه قصة هواجهها مش هبقى قدها وعندي إحساس إن فيه حاجة غريبة بس متخيلتش أنها هتوصل لكده واللحظة كبيرة تصورت أن ممدوح بيمثل لأني عارفة أنه ممثل بارع وكنت في لحظة هستيرية لأني فقدت في ممدوح مش زوج بس لكن سند وضهر وإنسان وصديق إنسان مهذب وخلوق ولطيف أنا اتشرفت أن اسمي كان مع اسمه السنين اللي فاتت كلها".
