مي كساب: اعذروا غادة عبد الرازق كانت تحت تأثير أدوية مهدئة
علقت الفنانة مي كساب على الفيديو الـ «لايف»، التي ظهرت من خلاله النجمة غادة عبد الرازق، وهي تبكي على الصور الفاضحة، التي انتشرت في الفترة الأخيرة على مواقع التواصل الاجتماعي، قائلة: «عمري في حياتي ما بقول غير الحق.. أبويا رباني على كده.. ودي شهادة حق.. وواجب عليه لازم أعمله.. أنا بقالي ١٧ سنة بشتغل في المهنة دي.. مثلت تقريبا مع كل الوسط الفني».
وتابعت: «غادة عبد الرازق من أجدع وأنضف الشخصيات اللي ممكن تشتغل معاها.. ست جدعة وأم حنونة جدا لبنتها.. الطيارة المحترمة روتانا قزاز.. أنا اشتغلت معاها فيلم.. طول الوقت كانت حنينة وجدعة معايا، ومع غيري.. بتحب شغلها.. بتحترم الصغير والكبير.. وفوق كل ده طبعا دي موهبة عظيمة وكبيرة وأستاذة.. وأنا شاهدة إنها مش بتعرف تنام غير لما تاخد دوا فعلا.. وناس كتير عارفة تأثير الدواء المهدئ ده إيه».
وأضافت: «اعتذارك حاجة كبيرة ومحترمة منك.. ودموعك غالية جدا.. ما تضايقيش نفسك.. ربنا غفور رحيم.. وهو أرحم من البشر بكتير.. وكل إنسان بيفهم ويرى بعينه هو.. وأنا عن نفسي صدقتك وسامحتك.. وفخورة بيكي.. ربنا يخليكي لبنتك وأحفادك.. وكل اللي بيحبوكي».
