عمر شريف: الناس كانت بتستنى العلقة بتاعتي في حلقات عين سحرية.. ومتخيلتش إني ممكن أشتغل مع نجوم كبار
تحدث الفنان الصاعد عمر شريف عن مشاركته في مسلسل عين سحرية، بطولة الفنان عصام عمر وباسم سمرة، والذي عرض في السباق الرمضاني الماضي 2026، وحقق نجاحًا كبيرًا وقت عرضه، موضحًا أن الجمهور تفاعل بشكل كبير مع شخصيته خلال الأحداث.
وقال عمر شريف في تصريحات إذاعية عن مشاركته في مسلسل عين سحرية: ردود فعل الناس كلهم كانوا بيقولوا أنت مستعجل على العلقة التانية، والضرب كان بجد، والناس كانت بتستنى العلقة بتاعتي في الحلقات، ولكني مبسوط أنهم فهموا اللي عايز أوصله ليهم، وده يثبتلي أن اللي عملته صح ووصل للناس بالطريقة اللي عايز أوصلها بيها.
وأضاف: بدأت أحب التمثيل أكتر الفترة دي لأني بدأت فعلًا أشوفه بشكل واعي أكتر وعارفه بشكل أكبر بكتير، وطلع مجال كبير ونفسي أطور من نفسي، وكل تجربة تضيف ليا ونجوم كبار بشتغل معاهم والتجارب دي بتضيف ليا، ببقى في قمة سعادتي إني أشتغلت مع نجوم زي منى زكي ومكنتش متخيل إني هوصل وأشتغل معاهم.
مسلسل عين سحرية
وعرض مسلسل عين سحرية في السباق الرمضاني الماضي 2026، وتدور أحداث العمل في إطار تشويقي حول فني كاميرات مراقبة يجد نفسه عالقًا داخل عالم مليء بالأسرار والفضائح، لتتحول المراقبة إلى وسيلة لكشف الفساد، وتصبح الحدود بين العدالة والخطر أكثر هشاشة.
والمسلسل من تأليف هشام هلال وإخراج السدير مسعود، ويشارك في بطولته إلى جانب إبرام سعيد كل من عصام عمر، باسم سمرة، عمرو عبد الجليل، محمد علاء، سما إبراهيم، وفاتن سعيد.
