تعرف على الفرق بين الزوجة المصرية والسورية
نشر أحد وسطاء الزواج على صفحتة الشخصية عبر موقع التواصل الاجتماعى " فيس بوك"، 12 فرقًا بين كل من الزوجة المصرية والسورية تحت عنوان "السورية هي الأفضل"، يشرح من خلالها نقاط الفرق بين الزوجة المصرية والزوجة السورية، مهاجمًا الزوجة المصرية بشدة، مما أثار غضب نشطاء "فيس بوك" وتعرض للعديد من السخرية من قبلهم.
وقال خلال رسالته: "الزوجة السورية الأفضل...... والزوجة المصرية الأسوء على الإطلاق.. ممكن كلامي يعجبك أو ميعجبكش أو تتفق شوية أو لاتتفق ،،،،، بس على الأقل هانقول الكلام إلى شفناه خلال 14 سنة من تنسيق جوازات وحل مشكلات زوجية وأسئلة وتدريب".
وأضاف: "في مشكلة حقيقة فعلا...... في فكر وأسلوب المرأة المصرية لحد دلوقتي..... المرأة المصرية مش قادرة تستوعب الآتي ،،،، والمصيبة أنها بتعاند مش تتطور من نفسها:
1- لما نتكلم عن مستوى الجمال... لازم تعليه ؟؟
تقوم رادة عليك بعنف ،،،،، ياعني أنا إلى خلقت نفسي، ياست الكل...مستوى الجمال في خمسين حاجة... في شكل...في طريقة كلام... في شعر تضربيه في الخلاط..... في جسم.... في نعومة في الكلام مع الزوج...... لسه مش قادرة تستوعب".
وذكر:"2- لما تتكلم عن الرياضة ؟؟، تقعد تحكي أسطوانة مشروخة.. أنها قاعدة مع العيال... وأنها بتتشغل وأنها بتضحي في سبيل نصرة الزوج... الغريبة أنها بتقعد على فيس بوك وتليفونات خمس ساعات، 3- على فكرة وأنا بعمل Counselling session لازواج...كذا شكوي جاتلي من جسم المرأة..... الزوج بيتشكي أن جسم مراته مضايقة، ياخوانا...لازم تفهموا أن الراجل بيحب جسم مراته يبقي حلو ومشدود، ولكن لا حياة لمن تنادي..... تتطلع واحدة تقولك وأنا أجيب وقت من فين.... دا أنا بجاهد في الطبيخ والمواعين.... أصل الباشا مش بيحب أكل بايت... وتقعد تحسسك أن كل ظروف الحياة معنداها".
وكتب:"4- في خلل حقيقي في التفكير والردود..... أن مش مشكلتي في الخطأ... أنا مشكلتي أن الزوجة المصرية فاكرة كل المشكلات من الزوج.. وهي ملاك برئ، 5- طيب بما أننا فتحنا فقرة الطبيخ ؟؟؟ لو حد بس اتعزم على ناس أردنين ولا لبنانين ولا سوريين...... مش هاكلمك على جمال الأكل...شوف الشياكة بتاعة التقديم والحركات، ياخوانا الناس ديه بتبدع في التقديم والأكل ونوعه....... الكلام دا متلاقيش في الزوجة المصرية..... أكل معاد مفيش جديد".
واستطرد: "6- هتيجي واحدة تقولك..... أصل الأجنبية معليهاش ضغوط ؟؟؟، دي للأسف حجة ومش مقبولة خالص...لأن أي حد سافر أو عايش في الغرب..... عارف كويس أوي طبعا أن الناس ديه بيطلع عين أبوها...الستات هناك بيتشغل وبيتغربوا ويسافروا زي الرجالة بالظبط.... على فكرة في بنات لوحدهم مسافرين في دول الخليج وسنهم لا يتعدي ال 25 سنة بحثا عن لقمة العيش.... وبيدفعة ضرائب دم قلبهم... لا أنكر في مزايا وتسهيلات من الحكومة.... ولكن احنا طالبين بس من سيادتك أن نقرب المسافات،
أوكا وأورتيجا في الفرح، دا حتى نساء شمال أفريقيا تتطورا عن المصريات في حاجات كتير...أبسطها غلو الحياة الزوجية، الدنيا بسيطة جداااااا".
وأضاف أيضًا:
"8- طبعا حد هيقولي... أهل الشام بيقولوا أن كل حاجة على الراجل ؟؟، صحيح ولكن بالمقدرة ،،،،، واللي تقدر عليه... ومعظمهم بلاش كلهم.... الدنيا ابسط بكتير من العائلات المصرية إلا اللبنانيات، اللبنانية بتطلع عين جوزها في المصاريف.. بس على الأقل في جمال وشياكة ورياضة.... أي حاجة ،،، لكن المصرية لا جمال ولا شياكة ولا رياضة ولا بطيخ حد... وبيطلعوا عين أهلك في الماديات".
وتابع: "9- 90 % من المصريات عندهم وجع في رجليهم وركبهم وضهرهم ،،، ومش عارفين من إيه؟، الموضوع بسيط... هي فاكرة من كتر الشغل.. ولكن االحقيقة من التخن وكتر الأكل مع قلة الرياضة، و10 -طيب يمكن أنا مفتري.
إسال:
هل المصرية عنيدة ؟؟؟ الإجابة آه
طيب نشيطة ؟؟ لا
طيب متجددة.؟؟ برده لا
طيب نكدية ؟؟؟ أكيد
وتقريبا الزوجة المصرية مع أول خلفة...تحس انتهت من حاجات كتير..كأنه ماتش اعتزال
ياخوانا في ناس فاكراني ببالغك... هي الحقيقة إلا من رحم ربي".
وتحدث أيضًا عن الاختلاف الحادى عشر، وهو « 11- تعالي بقي على التدين ؟؟، بص واحد سورية أو أجنبية منتقبة وتصرفاتها وقارنها بواحدة منتقبة مصرية عمالة تتمرقع على فيس بوك وتضرب جيتيار ولا تعمل تاج لأصحابها وتقولك بات يامزة ،،، أو متصورة ورجليها في وش الناس.... خلل حقيقي، وللأسف معظم المتدينات بعد الجواز...لا بيقل درجة إيمانهم..لا بينتكسوا"..
وأخيرًا، قال وسيط الزواج: «12- تعالي بقي بعد الهم دا كله...تلاقي أبو العروسة يقولك..ياحبييي هتجيب شقة في التجمع وشبكة ومهر وفرح وأول عشرين سنة جواز مش هتسافر ببنتنا علشان بس نطمن.... وكمان هنمضيك على قايمة علشان شاكين إنك حرامي .
طيب معلش ياعمي ،،، على ايه... هو أنا متجوز ملكة جمال اليونان مثلا..خلي بنتك جمبك.. للأسف لا رياضة ولا جمال ولا صحة ولا نشاط....... عند في عند....على غلو في الطلبات ومفيش تجديد ولا.. نصيحتي للشباب حبايبي: العيب الوحيد في الجنسية الأخري...هل اختلاف العادات والتقاليد، لو قدرت تتغلب عليها.. يبقي أنصحك بأي جنسبة غير المصرية، ياعني مفيش مصريات كويسين ؟؟، لا في ناس زي الفل بس قلة في هذا الزمان".
كما قدم نصيحة للفتيات، قائلًا: "ونصيحتي للبنات إخواتنا: ممكن..أنا بقول ممكن كلامي مش يعجبك أو لا تتفقي معايه.. ولكن فكري فيه شوية لعل وعسي إنه يفيدك ولو بحاجة واحدة".
