كسرنا حاجز الخوف ......ولبسنا فى ماسورة

هو ده أحساس عدد كبير من المصرين بعد الأحداث التى عاشوها بعد25يناير.. الناس قدرت تصرخ وتوصل صوتها للعالم كله، وتعمل ثوره سلميه هزت الدنيا كلها بجمالها، ولكن لبسنا فى الإخوان.. فى قال الله وقال الرسول صعبت علينا نفسنا وأصبنا بالاحباط واليأس ولن ننسى ما فعله المشير لإنقاذنا وإنقاذ البلاد من الضياع على يد هواة لايعرفون سوى السمع والطاعه.. وكانت النجده من السماء وكسره الشعب كله بل دمر حاجز الخوف مره ثانيه وتفاءل بالمشير عبد الفتاح السيسي وطالب بترشحه للرياسه وكانت نسبة نجاحه ورضى الشعب عليه 99% وعادت جسور الثقه فى صدق النوايا بين الشعب وحكومته.. وكان الشعب والجيش أيد واحده هوالشعار الكسبان، ومن كان يهتف بسقوط العسكر كان المواطن هو من يتصدى له.. وكم من مظاهرات خرجت من الإخوان وتم تفريقهم وضربهم من سكان المنطقه ولكن بعد أكثر من سنتين من 30\6 !!!!!!!!!
تهدمت جسور الثقه بين الشعب والحكومه ثانية بسبب نفس الأفكار والتصرفات والفساد منذ حكومة حازم الببلاوى ومرورا بحكومتى محلب حتى حكومة شريف أسماعيل والتصريحات العنتريه أياها، وعمل البحر طحينه، وأتضح للشعب انها حكومات فوتو شوب وعادت ريما لعادتها القديمه ودخلنا في الماسوره تانى وانتهت البهجه وراح الأمل.. واصبحت الناس تشك بل تكدب كل التصريحات الرسميه وتتريق عليها وتحارب بسلاح النكته بعد ان تنازلت عن النزول بالشوارع لإبداء الرأى وقبولها بقانون التظاهر أياه ،وشافت أن العين حمراء بعد حبس كل الشباب الى كانوا بينزلوا الشارع فى 25يناير وحتى الى نزلوا ضد الإخوان وكانوا هم من تصدى للأخوان قبل زلزال 30/6 وسكتت ورجعت تحارب وتصبر نفسها بالنكته والضحك بدلا من البكاء

أظن مش محتاج تعليق على الكاريكاتير الذي انتشر علي مواقع التواصل الإجتماعي، 
وده سلاح خطير يشير إلي أن الفساد الموجود فى الحكومه ورجال الأعمال يتمتع على حساب عرقنا وشقانا وكان الرد مفاجأه من الشعب بزيادة الفساد والتجرأ عل فعل أشياء لم نرها من قبل أصبح أكل لحم الحمير عادى لدرجة خروج فتوى من الأزهر بتحليل أكله!!!!!!!!!
وكان آخر واقعة ذبح للحمير هي قيام جزار بذبح الحمير علنا أمام الجميع فى الشارع المصرى ويبيع كيلو اللحمه بمبلغ وقدره 45 جنيه للكيلو الواحد الأمر الذى أثار جدل الجميع وقامت الاعلاميه انجى أنور فى خلال لقائها فى برنامج مساء القاهره الذى يذاع على القناه التلفزيونيه الفضائيه ten أنا مش قادره أوصف اللى انا شايفاه والله ما قادره أصدق الفيديو اللى قدامى ازاى كدا عينى عينك كدا الى أين ما وصلنا اليه فى دولتنا الحبيبه دى اللحمه طيب والسمك احنا شوفنا الريس بنفسه بيوقع أتفاقيه فى أسبانيا السنه اللى فاتت لعمل مزارع سمك هتخلينا نبطل نفطر فول ونفطر سمك زي اليابانيين طيب شوفو وصلنا لأيه فى تحدى الحكومه وموت الضمير المسكوت عنه !!!!!!
السمك " سم قاتل " بامر القانون

تخضع المزارع السمكية فى مصر لعدد من العوامل التى تسببت فى جعل نصف إنتاج المزارع السمكية غير صحى يسبب العديد من الأمراض، فوفقا للقانون الذى ينظم عمل المزارع السمكية يحظر استخدام المياه العذبة النظيفة فى رى المزارع السمكية.
وينص القانون رقم 124 لسنة 1983 على حظر إنشاء المزارع السمكية إلا فى الأراضى البور غير الصالحة للزراعة، ويقتصر فى تغذيتها على مياه البحيرات والمصارف المجاورة لموقعها، ويحظر استخدام المياه العذبة لهذا الغرض.
ونصت المادة 59 من نفس القانون على أن من يخالف تلك المادة التى تقنن استخدام مياه البحيرات والمصارف فى تغذية المزارع السمكية بالحبس مدة لا تقل عن ثلاثة أشهر وبغرامة عشرة آلاف جنيه أو بإحدى العقوبتين، على الرغم من أن تلك البحيرات والمصارف ملوثة بمياه الصرف الصحى والصناعى والزراعى المحمل بالمبيدات
طيب والعيش والدقيق شرحه كفايه آخر فضيحه لوزير التموين وما نشرته الرقابه الاداريه عنه 100مليون واحد دفعهم تصالح وخرج يمشى حرا طليقا ليبحث عن سبوبه تانيه ؟؟؟؟؟؟؟؟
طيب لما تكلم واحد عن الفساد وأنه حرام الرشوه وسرقة المال العام 

يقولك؟؟؟؟؟؟؟؟؟؟؟؟؟؟؟؟؟؟؟؟؟؟
الحكومه بتسرقنا فى كل حاجه كفايه طالفه علينا شركات اتصالات الموبايلات تسرق وتنهب وتقول دى ضرايب فرضاها الحكومه علينا والحكومه معرفتش تاخد مليم واحد من نجيب سويرس لما باع موبنيل بحكم محكمه عايزنى أنا أدفع ضرايب ليه؟؟؟؟علشان يغدوا ويتعشو ا فى أفخم فنادق ويسكنوا فيها كمتن !!!!

أثارت فاتورة غداء عبد المنعم مطر، رئيس مصلحه الضرائب العامة، ومدير مكتبه، غضب العاملين في المصلحة، خاصة بعدما تم تداولها فيما بينهم، فقد كشفت فاتورة أن رئيس مصلحة الضرائب ومدير مكتبه يتناولان يومياً الغداء على حساب المصلحة بـ15 ألف جنيه شهريا، حيث تم التعاقد مع أحد المطاعم الشهيرة لتوريد الغداء اليومي لهما..
حلال ليهم وحرام علينا ؟؟؟؟؟ ياعم روح دانت مغيب 

طب وبعدين والحل ممكن يكون فى مجلس الشعب؟؟؟؟؟؟؟
مش ممكن نستمر كده لازم الناس تحس انه في نيه صادقه لمحاربة الفساد والى المشكله هتخرج عن السيطره لان الناس زى مابدأت كسرت حاجز الخوف موتت الضمير حتى تجارة الأعضاء تفشت فى العشوائيات وكانت هدية العيد القبض على أكبر عصابه يرأسها تايلندى فى الجيزه طيب والى صدق وضميره صاحى وبدا بنفسه يحارب الفساد!!!!!!!!!!!!!!!!

مشلاقى غير النكته أخنم بيها وهى معبره عن حال اغلب المصريين
لكن ياريس أحنا لسه صابرين ومعاك مستنين لحم حمير سمك مسمم دقيق مسرطن ولا حاجه بتأثر فينا
ورينا يعدى الأيام الجايه على خير