بماذا تفكر؟.. أفكر بأم ترتر

بماذا تفكر؟.. أفكر بأم ترتر
المهندس أحمد ياسين
2018-04-14 19:01:04

 

                                                                       

أم ترتر.. وزينات صدقي

نفوسة الشهيره بـ "أم ترتر" كانت ساكنة فى حوارى كرموز بالاسكندرية في أربعينيات القرن الماضى.. وكان معروفاً عنها أنها  سليطة اللسان، ولامؤاخذة، ست صوتها عالي غجرية، ومفترية، وفى فرش الملاية مالهاش مثيل وماشيه على مبدأ فى الحارة: "الشرشوحه ست جيرانها. ولذا كان جيرانها يخشون الدخول في مشادات معها.

أم ترتر مخلفتش ترتر كان عندها اسماعيل وابراهيم و"نبوية ترتر" اسم شهره لأنها كانت عايقه بتلبس جلاليب ومنديل بترتر وملايه لف عشان كدا سموها أم ترتر كانت موضة الملايه اللف وقتها كما كانت تجذب إبراهيم في سكرية نجيب محفوظ، جوزها المعلم "علوان أبو اسماعيل" كان عربجى حنطور، وعنده حصان عفي بيضرب بيه المثل حصان علوان!!!!

 

أم ترتر كانت ست بيت شاطرة ساكنه فى بيت دور واحد منه بيت وعربخانه لحصان وعربيه المعلم علوان والبيوت اللى حواليها دورين وثلاته وعامله فوق السطح مزرعة فراخ وبط وكلهم "برابر " مافيش ولا ديك ولا دكر بط .. وسايباهم سارحين ع السطح يلاغوا ويكاكوا لبعض فى ديوك ودكورة بط الجيران وزى ما قالوا "ومن الحب ما قتل حتى فى الفراخ والبط".. ديوك الجيران كانت تقع في حب البرابر تنط على سطح أم ترتر عشان تكسر الفراخ الديك البطل اللى ينط أو دكر البط على سطح أم ترتر مفقود ياولدى وعلى طول يبقى اجدع عشوة للمعلم علوان!!

 

وكانت خبرة فى اخفاء اثر الديك من ريش والشعيرات وخلافه واللى كان يضيع لها ديك وتسأل الجيران يردوا عليها بصوت واطى "عند أم ترتر ربنا يعوض عليكى" عشان أم ترتر لو سمعت تخلى فرده الشبشب اعلى منهم مش بقولكوا كانت مفتريه كانت ريا وسكينه الفراخ والبط والمعلم يركب الحصان وياخد أم ترتر معاه على البحر يهضموا!!

وطلع المثل الشعبى "عند أم ترتر" يدل على أستحاله أنك تلاقى اللى بتدور عليه رغم أنك عارف ومتأكد مين اللى  خده.

 

بذمتك بعد ما قريت كل ده ووصلت لحد هنا مش حاسس ان ام تتر دي كانت تركيه او فيها عرق تركي والمعلم علوان الكاو بوي يتاعها لسه ذريتهم عايشه معانا لجد دلوقتي ؟؟؟؟؟ طيب لو ام ترتر ماتت وعلوان مات أمال ايه البلف الي احنا شايفينه ده.... آه مش عارف معني كلمة بلف دا موضوع جانبي نكلم فيه مش طويل لكن معروف كلها كلمات وأمثال كانت أيام الانجليز ما كانوا محتلين مصر بلافنيج بلانجليزيه يعني يخدعك لتصدقه ولكن اجمد وصف هو متل شعبي آخر اسمه أعمي وشفت بعينيا !!!!يعني يقول اللي ميقدرش عليه ودا اللي احنا شايفينه من الكاوبوي علوان وأم ترتر

**واخيرا اختم  يالخساره تعلم الشطاره .

** أم ترتر:"اللي بياكل ببلاش ما بيشبعش  وكاس وداير"

*أثناء العدوان الثلاثي على مصر انقطع البث الإذاعي المصري فتوقفت برامج الإذاعة المصرية في مصر وكل أنحاء الوطن العربي ، فقام المذيع السوري عبدالهادي بكار بقطع بث الإذاعة السورة قائلا:"من دمشق ، هنا القاهرة".. كان هذا في الخمسينات  من القرن الماضي.

*السؤال الآن: هل اختلف الرجال ام اختلفت اللغه العربيه اتمني ان اسمع اجابته من خلال قمة الرؤساء العرب غداً؟!

أُضيفت في: 14 أبريل (نيسان) 2018 الموافق 28 رجب 1439
منذ: 8 شهور, 1 يوم, 20 ساعات, 21 دقائق, 36 ثانية
0
الرابط الدائم

التعليقات

101062
بصمة صلاح لم تغب عن المنتخب
آخر تحديثات
الأكثر قراءة
استطلاع الرأي
هل يستجيب صناع السينما لدعوة الرئيس بالتوقف عن أفلام "العشوائيات"؟