أول حوار مع محمد رجب بعد عرض «الخلبوص»
الجورنالجيحوار وإعداد : عمر نور
- كيف استعد محمد رجب لشخصية "الخلبوص" مع انها بعيدًا تماما عن (سالم ابواخته) ويوجد فرق شاسع بين الشخصيتين؟
- هناك فرق كبير جدا مش بس سالم ابواخته ولكن بين كل شخصية اقدمها للجمهور، الخلبوص موضوعه صعب شوية لان كل شخصية بعيدة تماما شخصا وموضوعها عن ما ماقبلها، وتم تحضير الورق وقدرنا نوصل للفكرة وانا كنت ناوى اعمل حاجة لايت كوميدي تكون بعيدة تماما عن "سالم ابواخته" وابتديت اشوف شكل الشخصية ولبسها حتى تسريحة الشعر عشان اقرب للفظ "الخلبوص" لان اسم الفيلم هو مفتاح الشخصية.
- اختيارك لنوعية افلام اللايت كوميدي شايفه موفق لهذة الفترة؟
- مش تجربه بعيدة عليا لانى من بدايتي من "18 دستة أشرار" مرورا بجميع الافلام حتى "الخلبوص" بلعب لايت كوميدي، ولكن بنسب معينه، تيمة الموضوع هى التى تحدد نسبة اللايت كوميدي ولكن "الخلبوص" تحديدا هو فيلم بسيط للهجة.
- ما سر وجودك ضيف شرف في "وش تاني" ؟
- حبا وتقديرا لكريم عبدالعزيز، ووائل عبدالله اخويا الكبير وله فضل عليا في مشواري الفنى في اول بطولة بالاضافة الى انه عشرة 8 سنين واجتمعنا في 6 أفلام واولا واخيرا بسبب الصداقة.
- شايف ان انحلال الثقافة تؤثر على السينما؟
- اختيار البطل ووجه نظره هي اللى بتحدد هو عاوز يقدم اية ويقدمه امتى.
- مش تحكم من شركات الانتاج !!؟
- لو هو نجم مش بيبقى تحكم بتبقى مشورة فالعلاقة بين البطل والمنتج لابد ان تحكمها المشورة والتوافق في اختيار نوع العمل.
- المنتج لا يتحكم في نوعية دور البطل؟
- تحديدا في هذا الموضوع سأتكلم بشكل عام، مفيش منتج بيتحكم في دورالبطل وبعديين لو فرضت على نجم دور ممكن يفشل في تقديمه والخسارة سوف تعود على المنتج، وامكانيات الممثل هي التى تحكم نوعية ادوراه.
- ما سر ابتعادك عن الدراما بعد مسلسل ادهم الشرقاوى؟
- حبي الذيادة للسينما.
- ولا أدهم الشرقاوى لم ينجح بالقدر الكافي؟
- إطلاقا ... نفس شركة الانتاج كانت عارضة عليا مسلسل آخر في نفس السنة ولكن لسة ملاقتش السناريو الكويس اللى يشجعنى على دخول عالم الدراما، بالإضافة إلى عدم وجود سيناريو مكتمل، يعني معنديش استعداد اصور مسلسل موجود منه عشر حلقات والباقى في مرحلة الكتابة انا ارفض هذا تماما، لابد من وجود مسلسل كامل حتى احكم على العمل يعني مينفعش ابقى داخل المسلسل ومش عارف باقى الاحداث والشخصية ونادرا جدا انك تلاقي مسلسل مكتمل 30 حلقة وهذة مشكلة كبيرة في دراما.
- رأيك ان تقييم الممثل بيجي من الايرادات؟
- طبعا الايرادات هي التى تعبر عن مدى نجاح الممثل.
- الايرادات بس؟
- من الناحية الفنية دا موضوع ودي ولكن الذى يحدد نجومية الفنان هي الايرادات.
- ما رأيك في أنت بعض المنتجين يحتكرون دور العرض وبالتالى التحكم في الايرادات؟
- أولا.. دا بيبقى رزق وتوفيق من عند ربنا سبحانه وتعالى، واحتكار المنتجين لدورالعرض دة موضوع تانى خالص، ثانيا النجم الناجح ناجح وده بيبقى بيزنس مش مجاملة أو عملية ودية، فبمجرد نجاح فيلمك بيديك دور عرض عشان يكسب من وراك بغض النظرانت مين.
- موقع محمد رجب فين من الايرادات؟
- الحمدلله كرمنى جدا وإيراداتي كلها مابتقلش عن 12 مليون، وربنا يكرم.
- الجديد لمحمد رجب؟
- بحضر لعمل فنى من الممكن دخوله بعد عيد الاضحى ان شاء الله.