«زلات شيرين» عرض مستمر

«زلات شيرين» عرض مستمر
2017-11-14 17:50:10

حالة من الغضب الشديد اجتاحت مواقع التواصل الاجتماعي "فيس بوك وتويتر" بسبب سخرية شيرين عبدالوهاب من مياه النيل، في حفل بلبنان، وأكد النشطاء رفضهم إهانة بلدهم مصر، مؤكدين أن سخرية شيرين من بلدها يجب أن تقابل برفضهم سماع أغانيها.

وكانت إحدى المعجبات في حفل شيرين بلبنان طلبت منها سماع أغنية "ما شربتش من نيلها" فردت عليها شيرين : "هيجيلك بلهارسيا إشربي إيفيان أحسن، مياه معدنية فرنسية"، ما دفع النشطاء لتدشين هاشتاج "بشرب من نيلها ومش هسمع شيرين" في دعوة صريحة لمقاطعة المطربة"، والذي احتل مركزا متقدما في تراند مصر بفيس بوك وتويتر. 

كفاية كده

قالت رغدة السعيد: "‏ممكن نفوت الهزار التقيل مرة أو اتنين إنما لما توصل لإهانة بلدك اللي عملتك وتغلطي فيها برة يبقي كفاية عليكي كدة بجد.. بشرب من نيلها ومش هسمع شيرين".

وأضاف صلاح الرفيع : "بشرب من نيلها ومش هسمع شيرين.. نسيت إن البلد دي، اللي عملتها وإن جمهورها اتغاضي ليها عن كذا مشكلة قبل كدا لما صوتت لعساف وسابت أحمد جمال ابن بلدها، ونسيت لما شتمت عمرو دياب".

وعلق عادل الغول : "بشرب من نيلها ومش هسمع شيرين.. اللى بيهون عليه نيل مصر واللي مايحترمش بلده ما يلزمناش مايستاهلش مننا إلا إهماله.. شيرين ناكرة لجميل مصر.. شيرين تسخر من النيل المصرى وترد على معجبة طلبت أغنية "ماشربتش من نيلها": هيجيلك بلهارسيا الحفل يا جماعة كان بلبنان.. مصر اللى بسببها بقيتى شيرين.. مصر اللى بسببها عيشتى عيشة مكنتيش في حياتك هتعرفى تعيشيها... إلا مصر يا شيرين".

عيب عليكى

وعلقت هالة الزيني: " شيرين آه يا ليل عملت حفلة في بيروت ومعجبة طلبت منها تغنى مشربتش من نيلها ردت... هيجيلك بلهارسيا اشربى ميه إيفيان أحسن..." 

وقال عبد الحليم عمار: "دا الفرق اللى بين الممثل والمطرب الكبير واللى مش هيكبر زلة لسانها بقى كتير وعيب قوى إننا نتكلم على بلدنا بالأسلوب دا.. يا ناس مصر كبيرة قوى ولازم نبقى كبار برضوا".

وأضاف مختار إبراهيم: "حقها تعمل أكتر من كدة لأن مفيش محاسبة ليها.. كل مرة تغلط وبعدها تطلع تعتذر وكأن شيئا لم يكن.. وبكرة تعتذر والموضوع يبقى عادى..."

وعلق محمود على: "حتى لو افترضنا أنها دعابة أو مزحة منها... لكن ذلك غير مقبول خصوصا أن الموقف حدث أمام الجمهور وكاميرات التليفزيون".

غلطاتك كترت

وقال عادل عزيز: "بشرب من نيلها ومش هسمع شيرين.. مش عارفة امتي هتمسكي لسانك وتتكلمي عدل.. غلطاتك كترت.. اللي مالوش خير في بلده مالوش أي لازمة، دافعنا عنك كتير والتمسنا ليكي العذر... حاجة تفرح لما تلاقي فنانين عرب بيحبوا مصر أكثر من الفنانين المصريين! أمثال الشاب خالد اللي غني لمنتدي الشباب والجسمي اللي بيغني في حب مصر وتلاقي فنانين ومطربين مصريين تفننوا في إهانة بلدهم اللي عملتهم.. حاجة تحزن وتقهر والله... حقك علينا يامصر".

وعلق محمود كورد: "في بدايتها لا أحد يعرف عنها شيئا ثم تشرب من مياه نهر النيل وتعيش على أرض مصر فتصبح مطربة شهيرة ويلعب معها الزهر... فتتطاول على نهر النيل الذي شربت منه وتسخر من البلد التي حولتها من هذا إلى هذا..! بشرب من نيلها ومش هسمع شيرين".

وتابع شعبان البلتاجي : "بناقصها.. ماذا قدمت لـ مصر؟".

أُضيفت في: 14 نوفمبر (تشرين الثاني) 2017 الموافق 24 صفر 1439
منذ: 9 أيام, 4 ساعات, 33 دقائق, 58 ثانية
0
الرابط الدائم
كلمات مفتاحية زلات شيرين عرض مستمر

التعليقات

93561
آخر تحديثات http://www.algornalgy.com/rss/rss.xml does not exist
تويتر
  • بالصور.. ايلي صعب يشعل عروض الموضة بباريس بأزياء رواية الملوك المتساقطين
  • محمد صلاح يتالق فى ليفربول
انطلاق فاعليات مهرجان القاهرة السينمائى فى دورته الـ 39 تحت شعار ”سحر السينما أرض الحضارة”
آخر تحديثات
الأكثر قراءة
استطلاع الرأي
هل يستجيب صناع السينما لدعوة الرئيس بالتوقف عن أفلام "العشوائيات"؟