بتعزف على الطبل.. هيدي كرم: ”لا تتوقف عن تعلم الأشياء الجديدة”
نشرت الفنانة هيدي كرم مقطع فيديو لها وهي تتعلم العزف على الطبل، وذلك عبر حسابها الرسمي على موقع تبادل الصور والفيديوهات إنستجرام، لتؤكد على أهمية تعلم الأشياء الجديدة.
وقالت هيدي كرم معلقة: “لا تتوقف أبداً عن تعلم أشياء جديدة، فهذا ما يجعلك تشعر بالشباب والحيوية والحماس! التحديات الجديدة والإنجازات المختلفة تضفي نكهة مميزة على حياتك اليومية.”
هيدي كرم تقدم نصائح لاختيار شريك الحياة
في سياق منفصل، قد كشفت الفنانة هيدي كرم، عن نصائحها للمقبلين على الدخول في علاقات عاطفية والباحثين عن شركاء حياتهم، حيث أكدت أن الشخص الذي يبحث عن شريك مثالي يجب أن يتحلى هو الآخر بصفات مثالية.
وقالت هيدي كرم خلال فيديو عبر حسابها الرسمي على موقع تبادل الصور والفيديوهات إنستجرام : "كل واحد فينا لما بيدور على شريك عايز يشاركه حياته سواء كان راجل أو ست .. بيبقى دايمًا بيدور على أحسن حاجة .. يعني الست بتبقى عايزة راجل كريم وحنين وجدع ومعطاء ومخلص ولذيذ ودمه خفيف ومش تافه .. والراجل كذلك بيبقى عايز ست بنفس الصفات .. وطبعًا أكيد كل واحد حقه".
لازم أكون أحسن نسخة من نفسي
وتابعت : "بس علشان أدور على أفضل راجل أو ست .. لازم أنا كمان أكون أحسن نسخة من نفسي .. وبالتالي لما أشتغل على نفسي وأوصل لأفضل نسخة مني ساعتها هجذب حد نفسي .. ولكن ميبقاش أنا قاعد عندي مشاكل وفيا العبر .. وأقول أنا عايز حد ياخدني ويشيلني من على الأرض شيل".
واختتمت هيدي كرم: "ماينفعش راجل يجي يقول على الست إنها مش عارفة قيمتك .. إيه هي قيمتك ؟ .. هل أنتو فعلًا ليكم قيمة حقيقية ؟ .. أو إشتغلتم على نفسكم؟".
هيدي كرم تقدم نصائح للسيدات
وقد خرجت الفنانة هيدي كرم عن صمتها لتقدم للسيدات المرتبطات أو المتزوجات نصائح ذهبية للتعامل وهي تستعد لمقابلة شريك حياتها، وذلك من خلال مقطع فيديو عبر حسابها الرسمي على موقع تبادل الصور والفيديوهات إنستجرام.
وقالت هيدي كرم في الفيديو: “لو قفشتي نفسك وأنتي بتجهزي لخروجة مع شريكك سواء خطيبك أو جوزك أو حبيبك بتفكري أنك تكوني أحلى واحدة في الخروجة أو أن تعلمي على كل البنات، أعرفي أن في حاجة غلط، أعرفي أن عندك مشكلة لو هو ده تفكيرك دايمًا كده ممكن يكون عندك مشكلة مع ثقتك في نفسك، شايفة نفسك قليلة أو عندك نظرة دونية، ياما شريكك مش محسسك بثقة في نفسك، دايمًا محسسك أنك مهزوزة، لو هو محسسك الإحساس ده يبقى لازم تعرفي أن العلاقة دي معطوبة ومحتاجة طوبة، لأن المفروض تكوني مركزة على حاجات تانية زي أنك تكوني مبسوطة، أنك تكوني واثقة من نفسك، أنك تكوني حابة شكلك، لكن مش أنك تبقى في وضع مقارنة في دماغك بينك وبين أي ست تانية في القاعدة، لازم تقفي مع نفسك واقفة قوية وتفكري المشكلة طالعة منك أنتي ولا منه هو وأيًا ما كان كل حاجة ليها حل، وأول خطوة للحل هي معرفة المسكلة نفسها”.
