مها الصغير بعد شائعات طلاقها من أحمد السقا: ولادي هيتأذوا وحياتي الخاصة مش للمشاع

علقت الإعلامية مها الصغير على الشائعات التي انتشرت خلال الساعات الماضية وزعمت طلاقها من الفنان أحمد السقا، بعد حديثها في الحلقة السابقة من برنامجها الستات ما يعرفوش يكدبوا عن العلاقة الصحية بين الأزواج.

مها الصغير تكشف سبب خروج شائعات طلاقها

وقالت مها الصغير في حلقة اليوم من برنامج الستات ما يعرفوش يكدبوا: يوم الأربعاء ناقشت موضوع زي أي موضوع أو مشكلة بناقشها بشكل يومي في البرنامج بالاتفاق مع الإعداد واتكلمت عن العلاقة الصحية بين الأزواج، وإن فيه سيدات بتكون عايشة وخلاص وأكيد فيه كتير مش كده، وكذلك فيه رجالة عايشة والسلام، وقلت إن ده موضوع بنسلط عليه الضوء ولازم نشوف له حل.

عرض هذا المنشور على Instagram

‏‎تمت مشاركة منشور بواسطة ‏‎Mahaalsagheerfans‎‏ (@‏‎mahaalsagheerfans‎‏)‎‏

وأشارت مها الصغير إلى أن حديثها في عن العلاقة بين الأزواج أُخذ عليها وتوقع البعض أنها تتحدث عن مشكلة لها وأنها انفصلت عن الفنان أحمد السقا، موضحة: اتاخد عليا الكلام وإن فيه انفصال، وفيه ناس بتاخد حاجات من السوشيال تفسرها غلط وعلى أهوائها، ومش معنى إني بتكلم ولا بناقش موضوع إني بعبر عن نفسي، ومثلا عندنا بكره موضوع عن أزمة منتصف العمر هل ده معناه إننا في البرنامج بنعاني من أزمة منتصف العمر؟، وكذلك عندنا موضوع عن المخلوعين والمخلوعات، وده موجود ف مجتمعنا وقضايا لازم نناقشها، هل ده عن نفسنا؟.

مها الصغير: حياتي الخاصة لا أحب أن تكون للمشاع

وأضافت مها الصغير: بلاش تاخدوا حاجات عن لساني ما قولتهاش، لأن حياتي الخاصة لا أحب أن تكون للمشاع لأن في أولاد ممكن يتأذوا، ومش بس في موضوع الجواز والطلاق لأن فيه حاجات قبل كده حصلت زي مرض أحمد السقا واتقال كلام غلط وده بيأذي الأولاد.

مها الصغير: بطلوا تريندات وهمية

واختتمت مها الصغير حديثها قائلة: بلاش تتوقعوا أو تستنتجوا، وأنا لو عندي حاجة عايزة أقولها هقولها عادي، وده برنامج وبطلوا تريندات وهمية على حساب ناس، ومش أنا فقط، وأي حد بيتكلم على التلفزيون بيناقش قضية وبيتكلم في حاجة معينة.