«إدارة عشوائية».. هل تتم إقالة جوميز حال الخسارة من الأهلي؟ ميدو يرد
رد أحمد حسام ميدو، نجم الزمالك السابق، بشأن موقف جوزيه جوميز، مدرب القلعة البيضاء، من الاستمرار مع الفريق حال الخسارة من الأهلي في السوبر الأفريقي.
ومن المقرر أن تجمع المباراة بين الأهلي والزمالك، يوم 27 سبتمبر المقبل، في كأس السوبر الأفريقي، بالمملكة العربية السعودية.
وقال ميدو في تصريحات عبر قناة «أون تايم سبورتس 1»: «الاستقرار الفني مهم، إلا لو جوميز عمل حاجات مش موجودة في الكورة وده أنا متوقعوش».
وأضاف: «جوميز لعب مباريات أمام الأهلي قبل كدة، إلا لو عمل حاجات خارج قانون الكورة وده مش هيحصل. لازم يبقى مهما كانت إيه النتيجة».
وأكمل: «لازم يكون في دعم كبير من الجماهير، الناس بتنتقد جوميز، لكن أنا بسأل إيه القماشة اللي تخليه ممكن يقدم الأفضل؟».
وتابع: «لو في تفكير صح مباراة السوبر متأثرش على مستقبل جوميز مع الزمالك، والتفكير الصح إن المدرب يفضل واخد الدعم، وفكرة إنك لسة بتفكر إن هزيمة في مباراة تحدد مصير مدرب ده يساوي إدارة عشوائية».
