«اعملوا زي الأهلي».. أسامة حسني يوجه نصيحة للزمالك بعد الأزمة المالية
وجه أسامة حسني نجم الأهلي السابق، نصيحة لمسؤولي الزمالك، بشأن الأزمة المالية التي يمر بها الفريق في الوقت الراهن.
ويواجه مسؤولي الزمالك أزمة مالية كبيرة خلال الفترة الجارية وسط اعتراضات قوية من اللاعبين بسبب عدم حصولهم على مستحقاتهم المالية.
وقال اسامة حسني في تصريحات تليفزيونية مع مهيب عبدالهادي: «شوف الأهلي عمل ايه لما كان عنده أزمة زي الزمالك، عملوا لجنة طوارئ وقالوا ازاي اللاعيبة والموظفين والعمال يأخدوا فلوسهم».
وتابع: «هو دا اللي المفروض أي مجلس إدارة لنادي جماهيري يعمله، لازم يبقي عندك حلول خارج الصندوق وعندك فكر وحتة الشركات دي مهمة جدا جدا، والأهلي عملها ونجح فيها».
وواصل: «يعني فكرة المدينة الرياضية وشركة كرة القدم، الأهلي بيكسب كتير جدا شوف حتة الخدمات الرياضية برضه ولما تعملها وتوفر هو دا اللي الأهلي بيعمله».
وأكمل: «لو الزمالك عايز يخلص من الأزمة بتاعته لازم يجد حلول خارج الصندوق زي مثلا نادي الزمالك في قطاع النائشين دا مش بيكسب بطولة واحدة البنية التحتية ضايعة، شوف ماتش القمة في اتنين من النائشين بس زمان كان بيبقى العكس، دا كنز ولو عايز تبدأ من قصة الكرة ضخ في النائشين».
