الراقص مع الكلاب: «كنت كويس بس العيال الصيع اتلموا عليا ووشي باظ»
قال الطفل عبد الرحمن، الراقص مع الكلاب، إنه لجأ للعيش مع الكلاب هربًا من زوجة أبيه التي اعتادت على ضربه هو وأخيه، متابعًا أنه يعتبر الكلاب أهله ويراهم أفضل من الأشخاص، مضيفًا: «مش عايز حد يضحك عليا بس أنا بعتبر الكلاب أهلي وأحسن من البني أدمين، الكلاب بيدافعوا عن صاحبهم مش زي الناس».
وأضاف عبد الرحمن، خلال حواره صباح اليوم الأربعاء لبرنامج «صباح أون»، والمذاع عبر فضائية «on live»، أنه ترك منزله بسبب زوجة أبيه والتي - منذ ظهورها في العائلة - عادة ما تثير المشاكل بين أبيه وباقي أفراد عائلته، متابعًا: « مرات أبويا من ساعة ما دخلت البيت اتخانقت مع عمامي ومرات عمي وأبويا مسك في عمي عشانها هي، حتى عمامي كانوا بيحبوني أوي ودلوقتي بقى اتخانقوا مع بعض حتى ولاد عمي مبقوش يحبوني».
وتابع عبد الرحمن، أنه لا يعرف السبب الذي جعل أبيه يحب تلك السيدة ويسمع كلامها في كل شيء، مشيرًا إلى أنه كان يتعلم وهو في بيت أبيه وترك الدراسة بعد تركه المنزل حيث كان قد وصل للصف السادس الابتدائي، مضيفًا: «أنا كنت عيل كويس بس دلوقتي بوظت ووشي باظ خالص والعيال الصيع اتلموا عليا ومحدش سايب حد في حاله».
