شوقي غريب عن لقطة مباراة غانا: قلتلهم الجول دخل فينا إزاي

علق الكابتن شوقي غريب، المدير الفني للمنتخب الأوليمبي، على لقطة الشوط الثاني المثيرة بعد تأخر فريقه أمام غانا:"بين الشوطين اتكلمت مع اللاعيبة وأعطتهم التعليمات، وتأخرت علشان كنت بصلي، وصليت وبعدين طلعت على الملعب بصيت على الشاشة لقيت النتيجة 2/1 لغانا، وكنت معتقد أن ممكن خطأ في الشاشة، فتوجهت للدكة وسألت اللاعيبة، فقالوا دخل فينا جول، فروحت للجهاز:حد يجاوبني الجول دخل فينا ازاي يا جدعان، محدش راضي يجاوبني، وفي النهاية رد وائل رياض شيتوس وقاللى: عبدالسلام رجع الكورة قصيرة الواد بتاع غانا خدها جاب جون، قولتله يعني إحنا جيبنا جون في نفسنا يعني".

وتابع خلال لقائه ببرنامج "معكم"، المذاع على قناة "سي بي سي"، تقديم منى الشاذلي، "توجهت لعبد السلام وقلتله ركز والعب وبإذن الله ربنا هيكرمنا بس مش عايزين تبقى 3/1".