الموسيقيين: أي فنان هيغني من غير كارنيه يعرض نفسه للمساءلة القانونية

أكد منصور هندي، رئيس لجنة العمل بنقابة المهن الموسيقية، أن القرار الذي اتخذه الفنان مصطفى كامل بمنع أي فنان من مزاولة المهنة دون عضوية النقابة، لم يقصد به مطربا بعينه ولكنه لكل من يخالف قرار النقابة.

الموسيقيين: أي فنان لازم فرقته تكون كلها أعضاء نقابة

وقال منصور هندي رئيس لجنة العمل بنقابة المهن الموسيقية في تصريح خاص لـ القاهرة 24: القرار اللي نازل مش للمطرب مسلم ولا لأي مطرب، القرار لجميع المطربين واللي هيشغل معاه شخص مخالف مش هيشتغل، وإلا هيعرض نفسه للمساءلة القانونية.

الموسيقيين: اللي مش معاه كارنيه مش هينفع يشتغل

وأضاف منصور هندي: أي فنان لازم فرقته تكون كلها أعضاء نقابة، سواء منتسبين أو عاملين واللي مش معاه كارنيه مش هينفع يشتغل.

الموسيقيين: ممنوع عمل أي شخص لا يحمل كارنيه النقابة

وكان مصطفى كامل نقيب المهن الموسيقية حذر خلال الساعات الماضية جميع الفرق الموسيقية بمنع أي شخص من مزاولة المهنة دون عضوية النقابة، مع اقتصار العمل على الموسيقيين المقيدين فى جداول نقابة المهن الموسيقية فقط.

نقابة المهن الموسيقية

وقال مصطفى كامل في بيان صحفي: آخر تحذير لجميع الفرق الموسيقية، ممنوع منعًا تامًا عمل أي شخص لا يحمل كارنيه النقابة، الأحق بالعمل هم الزملاء حاملي الكارنيهات السارية.

واختتم البيان: وعلى الساده نقباء الفروع ورؤساء اللجان بالمحافظات تفعيل القرار على وجه السرعة.