محمد أضا: الناس اللي بتهاجم منتخب مصر دول بالنسبة لي «ذكاء اصطناعي»

شنّ الإعلامي محمد طارق أضا هجومًا لاذعًا على الأشخاص الذين يقومون بانتقاد منتخب مصر بشكل دائم ويحاولون التقليل من إنجازه في نهائيات كأس العالم 2026، معتبرًا أنهم بالنسبة له أشخاص من «الذكاء الاصطناعي».

وقال محمد أضا، خلال تغطية كأس العالم 2026، عبر قناة «صدى البلد»، «في طاقة إيجابية في الشارع المصري والجماهير بتقول أن المنتخب هيوصل لأبعد نقطة وأن اللي عملناه ده إنجاز».

وتابع قائلًا: «الناس تتهافت على تيشرتات منتخب مصر ومحدش بقه يلبس تيشرتات الأندية لا أبيض ولا أحمر، وهناك روح كبيرة بين اللاعبين وهذا ما علق في أذهان الشارع المصري».

واستطرد قائلًا: «هناك ناس أنا بالنسبة لي ناس ذكاء اصطناعي مش ناس حقيقيين.. في ناس بتكتب كلام سلبي وبتنقد الحلو قبل الوحش وقاعدة بتصفي حسابات».

وأردف: «الناس عمالة تنتقد وإحنا كسبانين أومال لو إحنا خسرانين كنتوا عملتوا أيه.. لو مش عايز تشجع منتخب مصر خد جنسية تانية وروح شجعها».

وأضاف أضا، موجهًا حديثه لهؤلاء، «روح شوف منتخب مصر أحرج منتخب بلجيكا أزاي، وأزاي لاعبي منتخب بلجيكا اتكلموا عن منتخب مصر».

وواصل قائلًا: «لو مش عايز تعترف أن مصطفى شوبير نجم من نجوم كأس العالم وتقول إن ده مجاملة يبقى تسكت أحسن وتبقى مبتفهمش كورة».