أحمد العوضي مطالبا بمقاطعة المنتجات الأمريكية: محدش بيموت من غير ماكدونالدز وبيبسي وكنتاكي
طالب الفنان أحمد العوضي بمقاطعة المنتجات الغير المصرية التي تدعم الاحتلال الإسرائيلي، وشجع جمهوره على الاستمرار في عدم شراء المنتجات الأجنبية.
وكتب أحمد العوضي عبر صفحته على الفيس بوك: 'حملة المقاطعة لازم نستمر عليها حتى وإن توقف العدوان ... إحنا أكبر قوة شرائية في العالم لازم نتعود أن إحنا مقاطعين لمنتجاتهم ومش عايزنها وعندنا بديل لكل حاجة حتى وإن كان أقل جودة'.
وتابع: 'محدش بيموت من غير ماكدونالدز و بيبسي وكنتاكي وووووو … بل بالعكس أكلهم اللي بيجيبلنا الوبا والمرض ده أقل حاجه نقدر ننصر بيها دينا وأخواتنا وأقل حاجة نقدر نحارب بيها العدوان، إن إحنا منكونش سبب في أي جنيه يخشلهم ونعلم أولادنا أن المنتجات دي أصبحت من المحرمات يعني نغرس في أولادنا أن الحاجات دي اجباري أنك تقاطعها مع الوقت مقاطعتنا هتجيبهم الأرض'.
واختتم كلامه: 'إخواتي أوعى تستهون بالمقاطعة ركعوهم وميكسبش منك جنيه، حملات المقاطعة مستمرة وهتستمر ويارب نفضل مكلمين حتى وإن توقف العدوان'.
