زوجة تطلب الطلاق بسبب ”الواي فاي”

استعرضت الإعلامية منى عبد الغني، قضية طلاق غريبة لسيدة طلبت الانفصال عن زوجها لأنه يستخدم "واي فاي" الإنترنت بمفرده.

وقالت منى عبد الغني خلال تقديم حلقة اليوم من برنامج "الستات مايعرفوش يكدبوا" المُذاع على قناة “cbc”: "الزوجة طلبت الطلاق لأن زوجها يستخدم الواي فاي لوحده وهي مش عارفة تشوف المسلسلات على الإنترنت".

وأضافت: "الزوجة تقول إن زوجها بحكم عمله من المنزل يقضي وقتًا طويلًا جدًا على الإنترنت، وبالتالي يستخدم الواي فاي بشكل أكبر بكثير، وهي مش عارفة تتابع المسلسلات".

وتابعت عبد الغني: "أنا بشوف إن عمل الرجل من المنزل ميزة، هو بيشتغل مش بيلعب، قاعد قدام عينك فإيه فكرة إني ارفع قضية طلاق وأخرب بيتي علشان الواي فاي".

إيمان عز الدين: الطلاق بسبب “الواي فاي” كلام تافه

فيما علقت الإعلامية إيمان عز الدين قائلة: "لو هو قاعد على السوشيال ميديا كنا ممكن نتكلم، لكن الرجل قاعد بيشوف شغله، هاتي راوتر لكن إنك تطلبي الطلاق على سبب زي ده تبقى تلكيكة، قولي الأسباب الحقيقية اللي تخليكي تطلبي الطلاق لكن الواي فاي مش سبب خالص وكلام تافه".